Աբելյան Արվեստի Դպրոցի գործունեության և առաջիկա պլանների մասին զրուցել ենք դպրոցի հիմնադիր-տնօրեն Աբել Աբելյանի հետ:
Citylife.am-Գիտենք, որ նորից վերսկսվելու են Աբելյան Արվեստի Դպրոցի մարզային մասնաճյուղերի ընդունելությունը, ի՞նչ նորություններ ունի դպրոցը:
Աբել Աբելյան-Որոշում ենք կայացրել, որ 2023 թվականի հոկտեմբեր ամսից Աբելյան Արվետի Դպրոցի Գյումրու, Վանաձորի, Արմավիրի, Աբովյանի և Էջմիածնի մասնաճյուղերում ուսուցումը լինելու է անվճար: Ուսումը տևելու է 7 ամիս ։ Ընդունելությունը շատ խիստ է լինելու՝ ամեն խմբում ընդունվելու է ոչ ավելի, քան 22 աշակերտ: Ուսման ընթացքում ևս շատ խիստ ենք լինելու՝ թե՛ դասապատրաստման, թե՛ բացակայությունների մասով:
Citylife.am-Այսինքն վճարովի խմբեր ընդհանրապես չեն լինելու:
Աբել Աբելյան-Այո, վճարովի ուսուցում մարզերի մեր մասնաճյուղերում չի լինելու: Սրանով մենք փորձում ենք հնարավորություն տալ այն մարդկանց, ովքեր ուզում են իրոք հասնել իրենց ամենանվիրական երազանքին, ցանկանում ենք օգնել, որ այն իրականանա:
Citylife.am-Իսկ ի՞նչ է սպասվում երեխաներին ուսման ընթացքում:
Աբել Աբելյան-Ուսման ընթացքում երեխաները հնարավորություն են ստանալու նկարահանվել լիամետրաժ վեբ ֆիլմում՝ գլխավոր դերում, իրենց իսկ կողմից ընտրված սիրված և հայտնի դերասանի հետ: Աշակերտների մասնակցությամբ վեբ ֆիլմի առաջին ցուցադրությունը տեղի է ունենալու Սինեմա սթար կինոթատրոնի մեծ էկրանին, կարմիր գորգի ուղեկցությամբ, լուսանկարիչների և լրագրողների ներկայությամբ:
Citylife.am-Իսկ ովքե՞ր են դասավանդող դասախոսները:
Աբել Աբելյան-Հաշվի առնելով մեր նախկին փորձը, այս դեպքում դասախոս մասնագետները հրավիրվելու են բացառապես Երևանի մասնաճյուղի գործող, որակավորում ունեցող լավագույն մասնագետները: Ամսական 1 անգամ բոլոր մասնաճյուղերում դասավանդելու եմ նաև ես:
Citylife.am-Իսկ դպրոցի Երևանի մասնաճյուղում հնարավո՞ր է առաջիկայում նման ֆորմատով անցկացնեք ուսումը, այսինքն այստեղ ևս անվճար կրթություն լինի սաների համար:
Աբել Աբելյան-Ոչ, Երևանում ուսուցումը շարունակելու է լինել վճարովի: Մեր դպրոցը կողմնակի ֆինանսավորում չունի, և մենք ամեն բան անում ենք մեր ունեցած ռեսուրսներով: Այնպես որ նման ճոխություն այս պահին մեզ թույլ տալ չենք կարող: Հուսանանք մի օր էլ դա կլինի, մենք այդպիսի երազանք ունենք:
Citylife.am-Իսկ ո՞րն է այս ամենի նպատակը, կամ ո՞րն է ձեր օգուտը, որովհետև վստահ ենք, որ ընթերցողի մոտ հաստատ հարցեր կառաջանան:
Աբել Աբելյան-Ամեն ինչի մեջ չէ, որ պետք է օգուտ փնտրել։ Մեկ-մեկ ուղղակի պետք է անել լավ ու բարի նախաձեռնություններ ու ուրիշ ոչ մի այլ բանի մասին չմտածել։ Բարի գործ անելու ժամանակ չպետք է մտածել ոչ մի օգուտի մասին։
Citylife.am -Կարծես այս նախաձեռնությամբ դուք գրեթե մոտենում եք ձեր երազանքին: Իսկ ես նշեմ գրանցվելու կարգը:
Անհրաժեշտ է մուտք գործել www.abelyanartschool.com կայք, սեղմել «ԱՌՑԱՆՑ ԳՐԱՆՑՈՒՄ» կոճակը, նշել մասնաճյուղը և լրացնել մնացած տվյալները և սեղմել «ՈՒՂԱՐԿԵԼ» կոճակը:
Հայտն ուղարկելուց հետո 10 աշխատանքային օրվա ընթացքում աշխատակցները կապ կհաստատեն Ձեզ հետ՝ հայտը հաստատելու համար:
Ընդունելությունն անցկացվելու է սեպտեմբերի 1-ից 10-ն ընկած ժամանակահատվածում: Դասերի մեկնարկը տրվելու է հոկտեմբերի 1-ից 10-ն ընկած ժամանակահատվածում:
Հայտերի ընդունումն արդեն սկսված է։
