Այս պահին մտածում եմ ուսումս այլ երկրում շարունակել. Իննա Խոջամիրյան

<<Բլից հարցում>> Իննա Խոջամիրյան:

Կուզեի իմ մասին բոլորն իմանան, որ չեմ ուզում իմ մասին շատ բան իմանան:

Խուսափել եմ…խուսափել եմ բժիշկ դառնալու հնարավորությունից, փոշմանել եմ:

Երբ ես մանուկ էի…պարտավոր էի մեծանալ, կասեր Գալուստ Սահակյանը:

Ես միշտ երազել եմ…այս պահին կուզեի ուղղաթիռով թռնել, կամ օդապարիկով,սաքսոֆոնի ուղեկցությամբ շրջել Երևանի գլխավերևում) երազանքներ չեն սրանք, ցանկություններ են. մի օր անպայման իրականություն կդառնան:

Անկեղծությունը...հարաբերությունների հիմնաքարն է:

Ես սիրում եմ …սիրում եմ կյանքը:

Սուտն ինձ համար...ինքնարդարացման միջոց է, ստում ես, որ պարզերես դուրս գաս դիմացինի մոտ: Ստում են ցածր ինքնագնահատական ունեցողները:

Ինձ համարում եմ...ինձ ալարկոտ եմ համարում, փորձում եմ ամեն կերպ շտկել դա:

Կինը կարող է ուժեղ լինել, եթե…կինն ուժեղ է, երբ սիրված ու գնահատված է:

Այս պահին մտածում եմ…ուսումս այլ երկրում շարունակել:

Ամեն ինչ լավ է, երբ…ձգտում ես դրան:

Միշտ փորձել եմ...ճշտապահ լինել, չեմ սիրում սպասել, ուզում եմ ինձ էլ չսպասեն երբևէ:

Չեմ վախենում…ցանկացած տեսակի էքստրիմից: Ադրենալինի սիրահար եմ:

Ես հավատում եմ...Աստծուն, ճակատագրին: Վերջերս նաև թավշյա հեղափոխությանը:

Չէի ցանկանա լինել...Չէի ցանկանա վատատես լինել, երբեմն հատկանիշս ինձ խանգարում է:

Իմ սիրելի վայրը... Շատ ու շատ սիրելի վայրեր ունեմ, որտեղ բնություն կա, իմ սիրելի վայրն է ուրեմն:

Սիրում եմ մենակությունը…մենակությունն իմ տարերքն է: Մարդն ի բնե մենակ է:

Կորցնում եմ ժամանակի զգացումը, երբ... սկսում եմ գիրք կարդալ, շատ ու շատ գիշերներ եմ լուսացրել աննկատ, առավոտյան միայն հասկանալով, որ գիրքն ավարտեցի մի գիշերում:

Ինձ հաճախ են ասում... որ ասպիրանտուրա դիմեմ: Մտածում եմ:

Ես չէի լինի Իննա Խոջամիրյանը, եթե.. ծնողներս Վաղինակ և Նազելի Խոջամիրյանները չլինեին:

Հարցազրույցը՝ Նարեկ Վարդանյան /Citylife.am/