Մեր հեռուստաոլորտի ամենահուզիչ և զգացմունքային նախագիծը` ԵՍ ԿԱՄ-ը, լինելով միակը հեռուստատեսության մեջ, ստիպում է մարդկանց, որ նրանք խոսեն ոչ միայն դրական բաներ, այլ նաև բացասական. հասարակությունը այդ բարությունը ընկալում է տարբեր կերպ: Եվ, վերջիվերջո, քննադատողներ լինում են ամեն տեղ:
ԵՍ ԿԱՄ-ը ներկայացրել է նոր հուզիչ երգի տեսահոլովակ, որտեղ երգում են ԵՍ ԿԱՄ նախագծի մասնակից փոքրիկները: Հասարակության մեծ մասը բավականին դրական խոսքեր են հղում ԵՍ ԿԱՄ-ի` հիմնադիր, սցենարիստ, պրոդյուսեր Ջավահիրին, բայց մի մասն էլ քննադատում է հանրային դեմքերի «ժպիտներն» ու «անտարբեր» հայացքները:
Ջավահիրը իր ֆեյսբուքյան էջում մի գրառում է արել, որտեղ խոսում է` ԵՍ ԿԱՄ նախագծի ստեղծման բարդ ճանապարհի, տեսահոլովակի և քննադատողների մասին:
Ջավահիր Եղիկյան – Ավելի ուշադիր թող կարդան նրանք, ովքեր վերջին մի քանի օրերը քննադատում են ԵՍ ԿԱՄ-ի գործունեությունն ու երգը…
Նախ ծանոթանանք.
Ես Ջավահիր Եղիկյանն եմ ` ԵՍ ԿԱՄ նախագծի հիմնադիր, սցենարիստ, պրոդյուսերը: նախագիծ, որի ստեղծման ճանապարհը շատ բարդ է եղել, բայց նույնիսկ զգալով ու քաջ գիտակցելով նպատակիս մեծությունն ու ծանրությունը` գնացի առաջ: Երտասարդ տարիքում կարողանալ և ցանկանալ կյանքի կոչել բարեգործական նախագիծ անբացատրելի զգացողություն է, որը նախ և առաջ հոգեբանորեն է շատ բան տանում քեզնից … Հաղորդումն ունի այնպիսի նպատակ , որ բոլորին համախմբեց իր շուրջ. ՉԼԻՆԵԼ ԱՆՏԱՐԲԵՐ, ՁԵՌՔ ՄԵԿՆԵԼ ԱՆՏԵՍՎԱԾ ՈՒ ԼՔՎԱԾ ԵՐԵԽԱՆԵՐԻՆ ԵՎ ԻՐԱԿԱՆԱՑՆԵԼ ՆՐԱՆՑ ԵՐԱԶԱՆՔՆԵՐԸ… Հաղորդման գոյության չորս տարիների ընթացքում ես և իմ թիմը, հանրային դեմքերի հետ միասին շատ երեխաների երազանքներ իրականացրինք և ոչ միայն մեկ օրով. մենք իսկապես, փոխեցիքն նրանց կյանքը… համենայնդեպս ինձ համար Աստվածահաճո գործ, որ հոգուդ և մտքիդ տալիս է մաքրություն, ջերմություն և ավելի լավը լինելու ցանկություն: Հաղորդումը միակն է հեռուստաոլորտում, որի նպատակը բարի է, իսկ ճանապարհը` ազնիվ ու արդար:
Հաղորդման համար երգ է գրվել, որը իրական պատմությունների հիման վրա է, բնականաբար… երգը երգում են հաղորդմանը մասնակից երեխաները, ովքեր ոչ միայն խնամքի հաստատություններից են, այլ նաև անապահով ընտանիքներից… Երգի պրեմիերան եղել է մեր ամանորյա հաղորդման նկարահանման ժամանակ, որտեղ ներկա էին Ծառուկյան ընտանիքը, հաղորդման նկարահանող խումբը և այն հանրային դեմքերը, ովքեր մշտապես իրենց բարի կամքով եղել են երեխաների կողքին… այսինքն, պատահական որևէ մեկը ներկա չի եղել… արդեն մի քանի օր է` հաղորդման երգի տեսահոլովակը համացանցում հայտնվել է: Մարդկանց մեծ մասը իրենց բարի ու առողջ մեկնաբանություններով, հիացմունքի խոսքերով կիսվել են, իսկ մի մասն էլ սկսել են քննարկել ներկա հանրային դեմքերի <<ժպիտներն>> ու <<անտարբեր>> հայացքները: Ուզում եմ դիմել այդ քննադատողներին. Դուք, որ ձեր տներում համակարգիչների դիմաց նստած լսում եք երգը, պահի տակ ազդվում , և մի քանի րոպե հետո շրջվում եք, զբաղվում ձեր գործերով, մոռանում և երգը, և երգող երեխային, ուրեմն, ավելի շատ եք ցավում: Ով է տվել ձեզ այդ բարոյական իրավունքը, որ անիմաստ վերլուծություններ եք անում այն մարդկանց մասին, ովքեր մշտապես կարիքավոր երեխաների կողքին են և կարողանում են լուսավորել փոքրիկների օրերը… Սա այն նախագիծն է, որը շոուներ չի անում վարկանիշ ապահովելու համար, այլ մենք մեր գործով ենք ապացուցում, որ միասին կարող ենք երջանկացնել անտեսված երեխաներին:
Citylife.am – Կարոք եք վայելել մեր փոքրիկ հրաշքների գեղեցիկ և հուզիչ կատարումը:
Նյութը` Մարինե Մանջիկյանի /Citylife.am/