Citylife.am-ը այսօր զրուցել է հեռուստադիտողի կողմից հայտնի և սիրված դերասանուհի՝ Մարի Պետրոսյանի հետ, ով հայտնի է<<Ազիզյաններ>> հումորային սիթքոմից։
Citylife.am- Կպատմեք, ինչպե՞ս որոշեցիք ընտրել դերասանուհու մասնագիտությունը և որոնք եղան Ձեր առաջին քայլերը:
Մարի- Մանկուց երազել եմ այս կյանքի մասին։ Դերասանուհու մասնագիտությունը չեմ համարում մասնագիտություն, որովհետև իմ համար ուրիշ կյանք է ևշ ուրիշ աշխարհ, ապրելակերպ։ Առաջին քայլերս արել եմ մոտավորապես չորս տարի առաջ , երբ գնացի սովորելու Աբել Աբելյանի ստուդիա։
Citylife.am- Դուք նկարահհանվում եք Ազիզյաններ հումորային սիթքոմում՝ Մարիի կերպարում:Կասե՛ք Մարիի բնավորության, որ գծերն է Ձեզ դուր գալիս և արդյո՞ք ունեք նմանություններ այդ կերպարի հետ:
Մարի- Սիրում եմ Մարիի կերպարը թերություններով հանդերձ, աշխատում եմ կերպարս կերտել լավագույնը, բայց կերպարի հետ նմանություններ չունեմ: Մարիի կերպարից շատ բաներ եմ կերտել։ Նախկինում կարող էի ժամերով հեռախոսով զբաղվել, լուսանկարվեի, բայց Մարիի կերպարը հետո հասկացա, որ այդ ամենը անիմաստ է և զուր ժամանակի վատնում:
Citylife.am- <<Ազիզյաններ>> սիթքոմում նկարահանվելը Ձեր առաջին քայլն էր այս ասպարեզում: Ինչպե՞ս մերվեցիք միջավայրին և ի՞նչ հարաբերությունների մեջ եք դերասանական անձնակազմի հետ նկարահանման հրապարակից դուրս։
Մարի- Առաջին իսկ օրվանից, երբ ծանոթացա ռեժիսորի և դերասանների հետ, այնպիսի տպավորություն էր բոլորիս մոտ, որ մենք վաղուց իրար գիտենք։ Միջավայրը ընտանեկան է և ինձ զգում եմ տանը։ Իրենց համարում եմ շատ կարևոր մարդիկ իմ կյանքում և ինձ հաճելի է, որ իմ առաջին քայլերս արել եմ ջերմ մթնոլորտում։
Citylife.am- Որ արժեքներն եք կարևորում մարդու մեջ ամենաշատը և ի՞նչպիսին պետք է լինի մարդը, որպեսզի լինի Ձեր մոտ ընկերը:
Մարի- Առաջին պահից տպավորությունը մարդու ինչպիսին կա այնպես էլ ընդունում եմ: Նայում եմ աչքերի մեջ, եթե տեսնում եմ անկեղծություն, ուրեմն այդ վարկյանից նա է իմ լավ ընկերն է: Չնայած, իմ կյանքում այդպիսի մարդիկ շատ քիչ են, բայց երջանիկ եմ, որ ինձ շրջապատող մարդիկ լավն են և իմ ընկերներն են:
Citylife.am- Տեղյակ ենք, որ Ձեր համար առաջնայինը դերասանուհու մասնագիտությունն է,բայց դուք Ձեր հարցազրույցներից մեկում նշել եք,որ ցանկանում եք ապագայում դառնալ ոստիկան: Կհամատեղեք երկուսը, թե ինչ-որ մի մասնագիտություն կտուժի?
Մարի- Առայժմ դեռ չեմ մտածում երկրորդ մասնագիտության մասին։ Ցանկանում եմ խորացնել և մասնագիտանալ դերասանուհու մասնագիտության մեջ։
Citylife.am- Ո՞ր արտասահմանյան դերասանի կամ դերասանուհու հետ կցանկանայիք խաղալ որևէ ֆիլմում:
Մարի- Երազանք է նկարահանվել Լեոնարդո Դիկաբրյոյի հետ։ Ես պաշտում եմ նրա կատարած աշխատանքը և խաղը։ Չեմ կարող նկարագրել բառերով, ի՞նչ զգում եմ, երբ նայում եմ իր ֆիլմերը։ Մոտավորապես ֆիլմերը նայում եմ տաս անգամից ավել և ամեն անգամ ուրիշ խաղ եմ տեսնում և ընկալում:
Citylife.am- Կխոսեք մի քիչ Ձեր առաջիկա գործնեության և պլանների մասին:
Մարի- Երբ պլաններ եմ կազմում, ինչ որ մի բան ամեն անգամ ինձ մոտ չի ստացվում, դրա համար չեմ սիրում պլանավորել: Ապրում եմ ռեալ, իմ օրով։ Անշուշտ մտածում եմ ապագայի մասին, բայց որոշումներ չեմ կայացնում։
Citylife.am- Շնորհակալ եմ զրույցի համար:
Հարցազրույցը՝ Կարինե Հովհաննիսյանի /Citylife.am/
