Citylife.am–ը զրուցել է Եվրոպայի պատանեկան առաջնությունում երեք ոոկե մեդալներ նվաճած ծանրորդուհի՝ Լիանա Գյուրջյանի հետ: 15 տարեկանների մրցավեճում 69 կգ քաշային կարգում Լիանա Գյուրջյանը հաղթահարել է երկամարտում՝ 183 կգ, պոկում վարժության ժամանակ՝ 78 կգ, իսկ հրում վարժությունում՝ 105 կգ:
Citylife.am- Շնորհավորում ենք Ձեզ փայլուն հաջողության կապակցությամբ, այսպիսի հաջողություններ բազմաթիվ լինեն: Ի՞նչպիսին էր զգացողությունը, երբ մեկ օրվա ընթացքում երեք ոսկե մեդալներ հաղթահարեցիք:
Լիանա- Զգացողությունները անկարագրելի են երբ հասկանում ես մեկ օրում կարող ես նվաճել երեք ոսկե մեդալներ: Այս ամենին հասել եմ ֆիզիկապես պատրաստված լինելով և հոգեպես լավ տրամադրվածությամբ:
Citylife.am- Հաղթանակի պահին, ծանրաձողը ձեր գլխավերևում պահելով, հիշու՞մ եք այդ պահին ի՞նչ քաջալերող խոսքեր էր Ձեզ ասում Ձեր մարզիչը:
Լիանա- Անկեղծ միայն հիշում եմ, որ այդ պահին մարզիչս ասում էր՝ վստահ: Իմ հաջողությունների համար շնորհակալ եմ Արման Ղազարյանին, նրա հոգատար և հետևողաբար աշխատանքների արդյունքում կարողացա արդարացնել մարզիչիս բոլոր հույսերը:
Citylife.am- Վերադարձել եք արդեն Հայաստան, մինչև տարվա վերջ, ի՞նչ մրցումների եք պատրաստվում մասնակցել:
Լիանա- Հիմա հայաստանում ենք, առաջիկայում կսկսենք մարզումները, իսկ մրցումների կպատրաստվենք հաջորդ տարվանից:
Citylife.am- Դեռատի աղջնակ ու ծանրամարտ, ի՞նչը տարավ Ձեզ դեպի ծանրամարտ:
Լիանա- Սպորտը սիրելով միշտ պատկերացրել եմ ինձ սպորտում, հատկապես դիտելով՝ Հռիփսիմե Խուրշուդյանի և Նազիկ Ավդալյանի մրցումները և իրենց տարած հաղթանակները իմ մեջ ցանկություն առաջացրեց ծանրամարտով զբաղվել: Եթե ցանկությունը մեծ է ուրեմն հաջողությունն էլ է ակնհայտ:
Citylife.am- Ծանրամարտը գիտենք, որ շատ աշխատատար և ծանր սպորտաձև է ի՞նչպես եք կարողանում դպրոցը և ծանրամարտը համատեղել:
Լիանա- Ամենուրեք դժվարություններ կան, բայց պետք է հաղթահարել՝ երազանքները իրականացնելու համար: Դժվարություններ և խնդիրներ հաճախակի են լինում, բայց փորձում եմ սպորտ և դպրոց համատեղել հաղթահարելով:
Citylife.am- Լիանա Գյուրջյանը բացի ծանրամարտից ի՞նչով է զբաղվում ազատ ժամանակ և ի՞նչ նախասիրություններ ունի:
Լիանա- Եթե գտնում եմ ազատ ժամանակ փորձում եմ հանգստանալ, ուժերս վերականգնել, իսկ նախասիրություն կառանձնացնեմ՝ դիմանկարչությունը:
Citylife.am- Արդեն հասկանալի է, որ խոստումնալից ապագա ունեք առջևում ի՞նչպիսի ծրագրեր կան իրականցնելու:
Լիանա- Շատ ծրագրեր ունեմ իրականացնելու, բայց առջևում սպասվում է ինձ նվիրված և անվնաս մարզումներ անցկացնել, հոգեպես պատրաստ դուրս գալ հարթակ, դիմակայել բոլոր դժվարությունները, կանգնել պատվո հարթակին, եռագույնը գլխավերևում պահելով:
Citylife.am- Շնորհակալ եմ, Լիանա անկեղծ զրույցի համար: Միշտ լինեք այդպես լավատեսական և հաղթահարեք ձեր առջև դրված բոլոր խնդիրները:
Հարցազրույցը`Տաթև Մուշեղյանի /Citylife.am/
