29-րդ համաշխարհային ուսանողական խաղերում ուշուիստ Կարապետ Թևոսյանն (70 կգ) անցել է կիսաեզրափակիչ և ապահովել է բրոնզե մեդալ։
Քառորդ եզրափակչում Կարապետը հաղթել է Բելառուսի ներկայացուցիչ Եվգենի Սլիպցովին: Առաջին ռաունդում Բելառուսը հաշվի մեջ առաջ է եղել՝ 1:0: Սակայն ընդմիջումից հետո Թևոսյանը առավելութուն է ստացել և մրցակիցը հրաժարվել է մարտը շարունակել:
Այսօր Թևոսյանը կիսաեզրափակչում կմրցի իրանցի Ջաֆար Շիրզադեհի հետ:
Երկրորդ մեր ուշուիստը՝ Հայկ Գասպարյանը (60կգ), դուրս է մնացել մրցանակային տեղի համար պայքարից:
Ջրացատկորդ Վլադիմիր Հարությունյանի մոտ անհաջող էր ստացվել անցնել 10 մ անհատական աշտարակացատկ մրցաձևում և նա վաստակել է 342,60 միավոր։
Նյութը՝ Տաթև Մուշեղյանի /Citylife.am/