Սուրճը կարող է բարձրացնել արյան ճնշումը.
Կոֆեինը բարձրացնում է արյան ճնշումը: Չնայած ուղիղ կապ երկարատև սուրճի օգտագործման և հիպերտոնիայի միջև գիտնականները չեն գտել, սակայն բժիշկները խորհուրդ են տալիս բարձր ճնշում ունեցող մարդկանց խմել միայն առանց կոֆեինի սուրճ:
Սուրճը կարող է բարձրացնել խոլեստերինի մակարդակը.
Սուրճը իր մեջ պարունակում է նյութ, որը կոչվում է կոֆեստոլ, այն պատասխանատու է խոլեստերինի մակարդակի բարձրացման համար: Լուծվող սուրճը պարունակում է կոֆեստոլի մինիմալ քանակ, իսկ մնացած բոլոր սուրճերը պարունակում են կոֆեստոլի մեծ տոկոսներ: Այդ պատճառով բացի լուծվող սուրճից, մնացած բոլորը կարող են բերել խոլեստերինի մակարդակի բարձրացման, ինչն էլ կարող է սրտի կաթվածի պատճառ հանդիսանալ:
Սուրճը օգնում է հաղթահարել դեպրեսիաները.
Գիտնականները ապացուցել են, որ սուրճի հաճախակի օգտագործումը կարող է նվազեցնել կանանց մոտ դեպրեսիոն վիճակները:
Սուրճը կարող է վիժման պատճառ հանդիսանալ.
Հղի ժամանակ սուրճի կանոնավոր օգտագործումը կարող է վիժման պատճառ դառնալ: Կոֆեինը հեշտությամբ ներթափանցում է պլացենտայով և այն վնասակար է սաղմի համար: Հղիության ժամանակ բժիշկները խորհուրդ են տալիս օգտագործել 1 բաժակից ոչ ավել սուրճ:
Սուրճը կանխում է պադագրա հիվանդությունը.
Վերջին հետազոտությունները վկայում են, որ կոֆեինով կամ առանց կոֆեինի սուրճի օգտագործումը նվազեցնում է պադագրայով հիվանդանալու հավանականությունը, բացի այդ՝ իջեցնում է միզաթթվի մակարդակը օրգանիզմում:
Նյութը՝ Արմինե Եփրիկյանի /Citylife.am/