Խորհուրդներ սառը ձեռքեր և ոտքեր ունեցողներին

Մշտապես սառը ձեռքեր և ոտքեր. այս խնդիրն ունի գրեթե յուրաքանչյուր երրորդ կինն աշխարհում: Անգամ ամենաշոգ եղանակին նման մարդկանց վերջույթները սառն են, որը հանգեցնում է ամենատարբեր անհարմարությունների: Գիտնականները պարզել են, որ կանանց օրգանիզմում ջերմակարգավորումը ավելի թույլ է, քան տղամարդկանց մոտ: Սակայն գոյություն ունեն մի քանի հանգամանքներ, որոնք կարող են սառը ձեռքերի պատճառ լինել:

1.Վեգետատիվ-անոթային դիստոնիա: Սա լայն տարածում ստացած հիվանդություն է, որին ավելի հակված են մեծ քաղաքների բնակիչները, քան գյուղերում ապրողները: Այս հիվանդությունն ուղեկցվում է գլխացավերով, արագացած սրտի զարկերակով, քնկոտությամբ: Այս հիվանդությունն ունեցողների մոտ հաճախ են պատահում մշտապես սառը ձեռքեր և ոտքեր:

2.Երկաթի պակաս. երբ օրգանիզմում բավարար քանակությամբ երկաթ չկա, մարդ ավելի շուտ է ծախսում տաքությունը և սառչում է:

3.Ցածր կալորիականությամբ սնունդ. ձեռքերի և ոտքերի մշտական սառնությամբ են տառապում հիմնականում այն կանայք, ովքեր անդադար հետևում են դիետաների: Ամեն օր օրգանիզմը պետք է ստանա բավական չափով ճարպ, սպիտակուց, ածխաջուր և այլ միկրոէլեմենտներ:

4.Երեխայի մոտ սառը ձեռքերը խոսում են այն մասին, որ նա լավ ցրտահարվել է կամ հիվանդացել:

5.Նորածինների մոտ սառը ձեռքերը բնական երևույթ է: Նրանց մոտ դեռ զարգացած չէ ջերմակարգավորումը:

Խորհուրդներ սառը ձեռքեր և ոտքեր ունեցողներին.

1.Եթե դուք չեք տառապում սրտանոթային հիվանդություններով, ապա հիանալի միջոց է շոգեբաղնիքը:

2.Որպեսզի լիցքավորվեք էներգիայով և լավացնեք արյան շրջանառությունը, առավոտը սկսեք մարմնամարզություններով:

3.Ուժեղացրեք սննդակարգի հսկողությունը: Օրվա մեջ գոնե մեկ անգամ տաք ուտեստ կերեք:

4.Օգտագործեք կոճապղպեղի թեյ: Կոճապղպեղն ունի օրգանիզմը տաքացնելու և արյան շրջանառությունը կարգավորելու հատկություն:

5.Թողեք ծխելը: Ամեն անգամ ծխելիս խաթարվում է արյան շրջանառությունը: Դրա հետևանքով էլ սառչում են ձեռքերն ու ոտքերը:

6.Հրաժարվեք շատ կիպ հագուստից: Բոլոր այն հագուստները, կոշիկները, որոնք ճնշում են մաշկը, խաթարում են ջերմափոխանակումը:

Նյութը՝ Արմինե Եփրիկյանի/Citylife.am/