Citylife.am – Մասնագիտության մեջ կողմնորոշվելիս հաճախ մենք դիմում ենք ծնողների օգնությանը կամ խորհրդին։ Ո՞վ կամ ի՞նչը Ձեզ ուղղորդեց դեպի թատերարվեստ:
Բաբկեն – Թատրոնում պատահաբար եմ հայտնվել, 11 տարեկանում: Դասընկերներիս հետ գնացինք ու հայտնվեցինք <<Առասպել>> դպրաթատրոնում: Այդպես ամեն ինչ սկսվեց ու շարունակվում է մինչև այսօր:
Citylife.am – Դուք կերտել եք ամենատարբեր դերեր և՛ գեղարվեստական ֆիլմերում, և՛ թատրոնում: Եղե՞լ է արդյոք այնպիսի դեր, որը կերտելիս կապվածություն զգաք Ձեր և մարմնավորվող կերպարի միջև:
Բաբկեն – Բոլոր դերերի հետ էլ այս կամ այն չափով կապվում ես, ուղղակի կան դերեր, որոնք ավելի շատ ես սիրում, տարբեր պատճառներով: Կարևորը, որ դերերը ժամանակին դառնան հիշողություն և չխանգարեն նոր դերերի ստեղծելիս:
Citylife.am – Խոսենք մի փոքր թատրոնի մասին: Ինչպիսի՞ դեր ունի այն Ձեր կյանքում:
Բաբկեն – Դժվար է հստակ ասել: Միայն մասնագիտություն չէ, «գործի գնալու տեղ չէ», կենսակերպ է, կյանքի անբաժան մասն է, առանց որի քեզ լիարժեք չես զգում: Ապրելու, արարելու, քեզ սրբագրելու առիթ ու հնարավորություն է:
Citylife.am – Թատրոնը և կինոն միմյանցից տարբեր, բայց միևնույն ժամանակ իրար լրացնող բնագավառներ են։ Ըստ Ձեզ, ո°րն է նրանց տարբերությունը։
Բաբկեն – Տարբերությունները շատ են, նույնիսկ համեմատել պետք չէ: Մեկի մասին նշեմ միայն: Կինոյում նկարահանվում ես ու վերջ, էլ ոչինչ փոխել հնարավոր չէ, լավ ես խաղացել, վատ ես խաղացել, այդպես էլ կմնա: Աշխատանքդ ավարտվեց, իսկ թատրոնում երկար ժամանակ փորձում ես, փնտրում, գտնում, ուղղում և սկսում ես խաղալ, բայց պրոցեսը շարունակվում է: Ներկայացումից ներկայացում որոնումներդ շարունակվում են, աշխատանքդ շարունակվում է:
Citylife.am – Մասնագիտական բնագավառում Ձեր որակական բարձր հատկանիշներն ակնհայտ են. ի՞նչ չափորոշիչների և ստանդարտների պիտի համապատասխանի այն պրոյեկտը, որին կհամաձայնվեք ներգրավվել:
Բաբկեն- Ստանդարտներ որպես այդպիսին չկան: Կարող է ես սցենարը սիրեմ, պիեսը սիրեմ, ինձ հետաքրքիր լինի, հետո դերը ու արդեն ո՞վ է բեմադրում կամ նկարահանում: Պետք է ռեժիսորին անպայման հավատամ, որպեսզի կարողանամ նրա հետ համագործակցել: Իհարկե, եթե այդ սկզբունքով մտածենք, ոչ ոք նոր ռեժիսորների հետ չի աշխատի, բայց միևնույն է , եթե թեկուզ նոր ռեժիսորի հետ ես աշխատում, իր աշխատանքներին ես ծանոթանում, իր գեղաագիտությանը, իր հնարավորություններին… մի խոսքով կարևոր է ռեժիսորի հանդեպ վստահություն ունենալը: 
Citylife.am – Վերջերս մեծ աղմուկ բարձրացրած լավագույն ֆիլմերից մեկում եք նկարահանվել .«Կյանք ու կռիվ 2»-ի մասին է խոսքը: Քանի որ խոսել եք արդեն թե՛ ֆիլմի, թե՛ Ձեր կերտած դերի մասին, կցանկանամ հարցնել՝ ինչպիսի՞ն է հայկական ժամանակակից կինոարտադրությունն ըստ Ձեզ: Արդյո՞ք ունենք միջազգային հարթակում մրցունակ լինելու հեռանկար:
Citylife.am – Ինչպե՞ս եք վերաբերվում առանց դերասանական կրթության դերասաններին:
Citylife.am-Նկարահանումների ընթացքում սցենարով համդիպում եք հանցագործությունների, հացագործների, մարդու ստոր տեսակի, վրեժխնդրության և նման բացասական երևույթների հետ: Ինչ-որ բան փոխվե՞լ է Ձեր մեջ կամ վախ չի առաջացել այդ դերը կերտելու ընթացքում:
Բաբկեն– Նոր պրոեկտ կա, բայց դրա մասին դեռ չի խոսվել: Թող անակնկալ մնա հեռուստադիտողների համար: Բացի դրանից թատրոնի աշխատանքներն են ու իմ առօրյա կյանքը:
Citylife.am- Շնորհակալ եմ, Բաբկե՛ն, հետաքրքիր զրույցի համար: Մաղթում եմ Ձեզ երկար ու ձիգ տարիների մասնագիտական գործունեություն:
Հարցազրույցը՝ Քրիստինա Բոստանչյանի /Citylife.am/
